Фото: "Белэнерго"
Савет Міністраў Беларусі зацвердзіў комплекс мер па падрыхтоўцы да асенне-зімовага сезона. Падобны дакумент прымаецца штогод.
Пастановай устаноўлены заданні па замене і будаўніцтве цеплавых сетак, стварэнні запасаў паліўнага мазуту, драўнянага паліва.
У дакуменце прапісаны рэкамендаваныя аб’ёмы закупкі палівазабеспячальнымі арганізацыямі тарфяных брыкетаў, прыведзены пералік кацельняў, на якіх у 2026 годзе павінны быць завершаны работы па аптымізацыі рэжымаў працы, а таксама складу асноўнага і дапаможнага абсталявання.
Таксама пастановай вызначана кола задач для міністэрстваў, іншых рэспубліканскіх органаў дзяржаўнага кіравання, аблвыканкамаў і Мінскага гарвыканкама па рэалізацыі мер, якія будуць спрыяць рацыянальнаму выкарыстанню паліўна-энергетычных рэсурсаў і максімальнаму выкарыстанню мясцовых ПЭР, у першую чаргу пелетаў.