У Разані атакаваныя НПЗ і склад Wildberries

Рэдакцыя Reform.news · 5 лістапада 2026, 08:17

https://reform.news/be/u-razani-atakavanyja-npz-i-sklad-wildberries/

Сёння ноччу ў расійскай Разані пад ударам беспілотнікаў апынуліся НПЗ і склад маркетплейса Wildberries. Губернатар вобласці Павел Малкаў паведаміў пра ўзгаранні на тэрыторыі прамысловых аб’ектаў.

“Ёсць пашкоджанні ад падзення абломкаў. На тэрыторыі прамысловых аб’ектаў у Разані адбыліся ўзгаранні. Пашкоджаныя лініі электраперадачы, у частцы горада назіраюцца перабоі з электразабеспячэннем”, – паведаміў ён.

Акрамя таго, на тэрыторыі вобласці пашкоджаныя дамы і нежылыя пабудовы. Адзін чалавек атрымаў раненні.