У расійскім Орску спынілі НПЗ пасля ўдару беспілотніка

Рэдакцыя Reform.news · 13 жніўня 2026, 12:18

https://reform.news/be/u-rasijskim-orsku-spynili-npz-paslja-daru-bespilotnika/

Нафтаперапрацоўчы завод у Орску ў Арэнбургскай вобласці РФ спынены пасля атакі беспілотніка. Пра гэта паведаміў губернатар рэгіёна Яўген Солнцаў.

“Сітуацыя там складаная. Паражальныя элементы закранулі ключавую інфраструктуру, аднавіць якую пакуль няма магчымасці. Абсталяванне імпартнае, з улікам санкцый тэрміны рамонту зацягнуцца да шасці месяцаў. Завод цалкам спынены. Рыхтуемся да найгоршага сцэнарыя”, – паведаміў ён.

НПЗ падвергся атацы 11 жніўня. У выніку яе на заводзе ўзнік пажар. Мясцовыя ўлады паведамлялі, што ў той дзень былі збітыя восем беспілотнікаў.