Канфлікт паміж суседзямі ў Пухавіцкім раёне скончыўся стралянінай і крымінальнай справай, паведамляе УУС Мінскага аблвыканкама.
Мужчына скардзіўся 51-гадоваму непрацуючаму суседу на свайго іншага суседа – 20-гадовага хлопца, з якім пастаянна канфліктаваў.
Абвінавачаны вырашыў па-суседску дапамагчы і стрэліў у хлопца з пнеўматычнай вінтоўкі. Пацярпелы адкараскаўся драпінамі. Стралка затрымалі. У дачыненні да яго распачата крымінальная справа па артыкуле аб хуліганстве.