Фото: reform.by
У Польшчы расцэньваюць заяву ФСБ Расіі аб выяўленні польскай агентурнай сеткі ў Калінінградскай вобласці як правакацыю. Пра гэта заявіў прэс-сакратар міністра-каардынатара спецслужбаў Яцэк Дабжыньскі.
“Як прэс-сакратар міністра-каардынатара спецыяльных службаў, я не каментую матэрыялы, размешчаныя ў інтэрнэце расійскімі спецслужбамі. У дзень Нацыянальнага свята незалежнасці я разглядаю іх як чарговую правакацыю і дэзінфармацыю”, – напісаў ён у Х.
Нагадаем, сёння ФСБ РФ заявіла, што раскрыла польскую агентурную сетку ў Калінінградскай вобласці. Затрыманыя агенты польскай разведкі і Агенцтва ўнутранай бяспекі, яшчэ некалькім грамадзянам забаронены ўезд у краіну, грамадзянам Расіі, якія кантактавалі з агентамі, вынесены папярэджанні.