Скриншот видео t.me/pressmvd
У МУС заявілі, што другое пасяджэнне VII Усебеларускага народнага сходу прайшло «ў штатным рэжыме і спакойнай абстаноўцы». Паводле інфармацыі ведамства, надзвычайных здарэнняў і пагроз бяспецы грамадзян не дапушчана.
«Была праведзена маштабная падрыхтоўчая работа. Сумесна з зацікаўленымі складзены дэталёвы план, узгодненыя і адпрацаваныя алгарытмы дзеянняў у розных сітуацыях, супрацоўнікі органаў унутраных спраў і вайскоўцы ўнутраных войскаў МУС неслі службу ў ўзмоцненым варыянце.
Месцы пражывання дэлегатаў і правядзення форуму, іншыя аб’екты, звязаныя з УНС, былі ўзяты міліцыяй пад кругласутачную ахову. Падраздзяленнямі Дзяржаўнай аўтаінспекцыі выканана задача па арганізацыі бяспечных маршрутаў і суправаджэнні аўтакалон з удзельнікамі дэлегацый», — гаворыцца ў прэс-рэлізе.
«Пастаўленыя перад МУС задачы па забеспячэнні правапарадку выкананы ў поўным аб’ёме», — заявілі ў ведамстве.