Навагодняя ілюмінацыя Мінска складаецца з 335 км гірляндаў і 629 светлавых фігур. Такія даныя ў эфіры прывёў першы намеснік дырэктара — галоўны інжынер «Мінгарсвятла» Яўген Стасяловіч.
“На сёння на балансе прадпрыемства «Мінгарсвятло» 335 кіламетраў гірляндаў, 629 светлавых аб’ёмных фігур. У гэтым годзе прырост склаў больш за 30 кіламетраў гірляндаў. Можна сказаць, што 700 тысяч кілават-гадзін спажывае святочная ілюмінацыя ў Мінску”, — сказаў ён.
Паводле яго слоў, адна гадзіна спажывання ілюмінацыі ў сярэднім каштуе 550 рублёў. Зараз уся ілюмінацыя з’яўляецца святлодыёднай. Адзін метр гірляндаў спажывае менш за ват.