У Германіі здзейснена спроба падпалу абаронных кампаній

Рэдакцыя Reform.news · 3 верасня 2026, 11:41

https://reform.news/be/u-germanii-zdzejsnena-sproba-padpalu-abaronnyh-kampanij/

У Мюнхене ў раёне Берг-ам-Лайм у ноч з серады на чацвер была здзейснена спроба падпалу абаронных прадпрыемстваў. Пра гэта паведамляе Sueddeutsche Zeitung. Спроба была няўдалай.

Паводле інфармацыі выдання, з аўтамабіля былі выкінутыя некалькі запальных прылад. Адзначаецца, што ў раёне Берг-ам-Лайм знаходзяцца штаб-кватэры кампаній Rohde & Schwarz і Helsing, дроны апошняй прымяняюцца ва Украіне.

Адна з кінутых прылад была абясшкоджана супрацоўнікамі кампаній, другая не спрацавала, пазней яе абясшкодзілі паліцэйскія.

Газета піша, што прылады былі кінутыя перад будынкам Rohde & Schwarz, якая спецыялізуецца на радыёабсталяванні. Штаб-кватэра Helsing знаходзіцца на другім баку вуліцы па дыяганалі.

Па гарачых слядах затрыманыя 28-гадовая жанчына і 38-гадовы мужчына, абодва грамадзяне Балгарыі.