Фото: t.me/tsikhanouskaya
Галоўны прадстаўнік ЕС па пытаннях знешняй палітыкі і палітыкі бяспекі Крысціян Віганд вітаў вызваленне 25 палітвязняў у Беларусі, падкрэсліўшы, што больш за 800 па-ранейшаму знаходзяцца ў зняволенні.
«Сёння дзякуючы намаганням ЗША былі вызваленыя 25 палітвязняў. Мы вітаем гэты крок. Больш за 800 чалавек па-ранейшаму знаходзяцца ў адвольным зняволенні ў жахлівых умовах. Беларускі рэжым павінен неадкладна і безумоўна вызваліць усіх палітвязняў», — напісаў Віганд у Х.
Нагадаем, сёння ў выніку перамоў Джона Коўла і Аляксандра Лукашэнкі былі вызваленыя 25 чалавек. Іх вывезлі з Беларусі ў Літву. У абмен ЗША здымуць санкцыі з «Беллеспаперапрама» і «Лакафарбы». Таксама Коўл заявіў, што вызваленне палітвязняў і зняцце санкцый працягнуцца.