Фото: "Белоруснефть"
У Беларусі адбыўся збой у працы сеткі зарадных станцый для электрамабіляў. Пра гэта паведаміла “Беларуснафта”, якая кіруе сеткай Malanka.
“Па прычынах, якія не залежаць ад кампаніі “Беларуснафта”, адбыўся збой у працы зарадных станцый на тэрыторыі ўсёй краіны. Таксама недаступныя спецыяльнае мабільнае прыкладанне для вадзіцеляў электракараў і адміністрацыйная панэль дыспетчарызацыі”, – гаворыцца ў паведамленні.
У якасці прычыны названа няспраўнасць сервернага абсталявання правайдара. Вядуцца аднаўленчыя работы.