Скриншот видео t.me/skgovby
Тры чалавекі загінулі на пажары ў кватэры ў Гродне, паведамляе прэс-служба Следчага камітэта. Інфармацыя пра ўзгаранне паступіла сёння каля 12.30.
Пры ліквідацыі пажару ратавальнікі выявілі целы трох мужчын. Іх асобы высвятляюцца. Паводле папярэдніх звестак, адзін з іх — уласнік жылля. Са слоў суседзяў, гаспадар кватэры злоўжываў спіртным. Каля паўгода з ім жыў брат, і з таго часу яны рэгулярна ўжывалі алкаголь. Увосень мінулага года ў кватэру ўжо выязджалі ратавальнікі: тады прычынай задымлення стала пакінутая на пліце каструля.
На месцы працуе следча-аператыўная група. Праводзіцца агляд месца здарэння, фіксуецца слядовая карціна. Прычына здарэння высвятляецца.