Photo by Max Bender on Unsplash
У Мінску затрыманы супрацоўнік службы падтрымкі транспартнай кампаніі. Пра гэта паведамілі ў ГУУС Мінгарвыканкама.
У міліцыю звярнуўся прадстаўнік кампаніі, які паведаміў пра падазроную актыўнасць у службовых базах даных, дзе знаходзіцца інфармацыя пра кліентаў.
Міліцыянеры выйшлі на 21-гадовага работніка службы падтрымкі, які меў доступ да базы даных.
“Малады чалавек на адным з форумаў расказаў пра сваё месца працы, а праз некаторы час атрымаў ад незнаёмца прапанову пра продаж інфармацыі пра кліентаў. Фігурант пагадзіўся, выканаў усе ўмовы і атрымаў на крыптакошалёк узнагароджанне — каля 2 тысяч рублёў у эквіваленце”, — расказалі ў ГУУС.
Узбуджана крымінальная справа.