Старшыня Віцебскага абласнога савета пахваліўся пагадненнем «аб сяброўстве і партнёрстве» з ДНР

Рэдакцыя Reform.news · 26 чэрвеня 2026, 19:59

https://reform.news/be/starshynja-vicebskaga-ablasnoga-saveta-pahvali-sja-pagadnennem-ab-sjabro-stve-i-partnjorstve-z-dnr/

Старшыня Віцебскага абласнога Савета дэпутатаў Дзмітрый Дзямідаў у сваім тэлеграм-канале пахваліўся падпісаннем пагаднення «аб сяброўстве і партнёрстве» з калабарацыйным Народным саветам так званай Данецкай народнай рэспублікі. Падпісанне адбылося падчас XIII Форуму рэгіёнаў Беларусі і Расіі, які праходзіць з 25 па 26 чэрвеня ў Мінску.

«Умацаванне сувязяў нашых рэгіёнаў — адзін з найважнейшых кірункаў развіцця фундаментальнага і ўзаемавыгаднага супрацоўніцтва», — падпісаў фота віцебскі дзеяч.

Раней Супольнасць беларускіх чыгуначнікаў паведаміла, што ў студзені — красавіку 2026 года Беларусь значна нарошчвала чыгуначны экспарт на акупаваныя тэрыторыі Украіны.