Шырокая грашовая маса вырасла за жнівень усяго на 3,2%, або на 3,58 млрд рублёў, да 116 млрд рублёў. Такія даныя апублікаваў Нацбанк Беларусі. Тэмпы прыросту шырокай грашовай масы прыкметна выраслі ў параўнанні з ліпенем, калі яна за месяц павялічылася толькі на 0,4%.
З пачатку года шырокая грашовая маса павялічылася на 12,6%, або амаль на 13 млрд рублёў.
На 1 верасня аб’ём наяўных грошай у абарачэнні склаў 17,82 млрд рублёў. За месяц ён вырас на 382,8 млн рублёў, а з пачатку года — на 3,34 млрд рублёў.
У жніўні грашовы агрэгат М1 з улікам пераводных дэпазітаў павялічыўся на 1,6 млн рублёў да 41,79 млрд рублёў.
Грашовая маса ў нацыянальным вызначэнні вырасла на 2,36 млрд рублёў да 75,64 млрд рублёў.
Рублёвая грашовая маса павялічылася на 2,37 млрд рублёў да 79,07 млрд рублёў.
Дэпазіты ў замежнай валюце знізіліся за жнівень на 134,7 млн долараў да 11,965 млрд долараў, у тым ліку дэпазіты фізічных асоб скараціліся на 57,1 млн долараў да 4,91 млрд долараў, а дэпазіты юрыдычных асоб зменшыліся на 77,6 млн долараў да 7,05 млрд долараў.