Сетку наркараспаўсюднікаў раскрылі ў Мінску. Затрымана 8 чалавек

Рэдакцыя Reform.news · 20 лютага 2026, 10:15

https://reform.news/be/setku-narkaraspa-sjudnika-raskryli-minsku-zatrymana-8-chalavek/

У Мінску раскрылі сетку наркараспаўсюднікаў. Затрымана восем чалавек.

Як паведамілі ў прэс-службе МУС, спачатку быў затрыманы 20-гадовы іншаземец, які быў аптовым кур’ерам. У яго ў здымнай кватэры канфіскавалі 3,5 кг мефедрону.

Ад яго міліцыянеры выйшлі на семярых закладчыкаў: трох іншаземцаў і чатырох грамадзян Беларусі, у тым ліку дзвюх дзяўчат. Яны забіралі “майстар-клады” ад першага фігуранта.

“Дзякуючы аператыўным дзеянням супрацоўнікаў мінскай міліцыі з незаконнага абароту канфіскавана больш за 15 тысяч смяротных доз наркотыку”, — гаворыцца ў паведамленні МУС.

Узбуджаны крымінальныя справы.