Раман пра Браслаў пераклалі на беларускую мову

Reform.news · 22 кастрычніка 2026, 13:16

https://reform.news/be/raman-pra-brasla-peraklali-na-belaruskuju-movu/

У выдавецтве «Папуры» выйшаў пераклад рамана пісьменніцы Хелены Пабяржынай «Ўалсарб», які апавяае пра горад Браслаў і рэальныя гістарычныя падзеі ў жанры «магічны рэалізм». Рускі варыянт выйшаў у 2023 годзе, заўважыў bellit.info.

У цэнтры твору — дзяўчынка, якая ўвесь час гуляе са словамі.

Дзяўчынка жыве ў невялікім каталіцкім мястэчку Ўалсарб на поўначы Беларусі, – хоць, магчыма, назву варта чытаць наадварот, справа налева, ці як-небудзь яшчэ. Дзяўчынка ўвесь час гуляе са словамі, а яны з ёй — ніколі не адгадаеш, дзе праўда і што стаіць за тым ці іншым словам.

«Дзеянне рамана разгортваецца ў 1985-1994 гадах, трохі ў пачатку дваццатага стагоддзя, і трохі ў 1941-1944, у залежнасці ад таго, куды галоўную гераіню — дзяўчынку, якой па ходзе сюжэту ад 4 да 13 гадоў, прыводзяць Яны. Дзяўчынка вельмі дапытлівая і адкрыта ўсяму новаму, верагодна, менавіта таму яны яе і выбралі. Яны – гэта людзі, якія некалі жылі ў Валсарбе, але пасля свайго сыходу засталіся безназоўнымі, без помнікаў і магіл. Яны ходзяць паўсюль за дзяўчынкай, урываюцца ў яе сны і нікуды не знікаюць, пакуль іх не пачуюць і пакуль яны не вернуць сабе свае імёны», — гаворыцца ў анатацыі.

З расійскай мовы на беларускую пераклала кнігу Паліна Грыб. Вокладка Анатоля Лазара.

Купіць «Ўалсарб» Хелены Пабяржынай можна ў кнігарнях, а таксама замовіць анлайн, напрыклад, на OZ.by.

Падпісвайцеся на культурныя навіны Reform.news у Telegram