Фото: Офис Тихановской
Сёння ў Літве адбылася цырымонія ўзняцця беларускага бел-чырвона-белага сцяга каля будынка Сейма Літвы. Гэта частка мерапрыемстваў, прысвечаных 108-годдзю Беларускай Народнай Рэспублікі.
«Сёння каля Сейма Літвы мы ўздымаем бел-чырвона-белы сцяг — сімвал нашай волі і няскоранасці.
Гэты сцяг нагадвае, што ёсць іншая Беларусь, несавецкая, нерасейская. Што беларусы — не роўна рэжым. Ён яднае беларусаў: і тых, хто ў выгнанні, і тых, хто дома.
На мінулым тыдні ён лунаў у сотнях гарадоў па ўсім свеце, дзе жывуць беларусы.
У Беларусі сёння такое ўявіць немагчыма. За сцяг караюць гадамі турмы, але ведаю, што многія яго сакрэтна захоўваюць дома. І прыйдзе момант, калі мы ўздымем яго над нашымі гарадамі, і ён вернецца на нашыя вуліцы», – заявіла на цырымоніі Святлана Ціханоўская.
Як паведамілі ў яе Офісе, ва ўзняцці сцяга таксама прынялі ўдзел спікер Сейма Літвы Юозас Олекас і віцэ-маршалак Сената Польшчы Міхал Каміньскі, а таксама дэпутаты Сейма і прадстаўнікі беларускай дыяспары.
Цырымонія пачалася з хвіліны маўчання ў памяць пра тых, хто аддаў жыццё за свабодную Беларусь.
Пасля цырымоніі ў Сейме пачалася беларуска-літоўская канферэнцыя.