Прамысловая вытворчасць у Беларусі скарацілася на 3,7% па выніках студзеня-лютага

Аб’ём прамысловай вытворчасці ў студзені-лютым склаў 33,1 млрд рублёў. Ён скараціўся ў супастаўных цэнах на 3,7% у параўнанні з аналагічным перыядам 2025 года, сведчаць даныя Белстата. Дынаміка прамысловай вытворчасці пагоршылася. Па выніках студзеня яна зніжалася на 3,4%.

Галіны паказалі наступную дынаміку:

• горназдабыўная прамысловасць +1,3% (379,2 млн рублёў),
• апрацоўчая прамысловасць -7% (28,24 млрд рублёў),
• забеспячэнне электраэнергіяй, газам, парай, гарачай вадой і кандыцыянаваным паветрам +12,4% (3,89 млрд рублёў),
• водазабеспячэнне; збор, апрацоўка і выдаленне адходаў, дзейнасць па ліквідацыі забруджванняў -2,1% (628,7 млн рублёў).

У рэгіянальным разрэзе толькі Брэсцкая вобласць паказала рост прамысловай вытворчасці на 3,8% адпаведна. Пры гэтым наймацнейшы спад вытворчасці быў зафіксаваны ў Мінску — 6%. Для параўнання ў студзені прамысловая вытворчасць у Мінску была на 12,8% меншай, чым за аналагічны месяц 2025 года.