Паспорт Новой Беларуси. Фото: tsikhanouskaya.org
Выбарчая камісія Каардынацыйнай рады на пасяджэнні 2 сакавіка вызначыла, па якіх дакументах можна будзе прагаласаваць на выбарах у КР.
Прыняць удзел у галасаванні можна будзе з пашпартам грамадзяніна Беларусі, як дзеючым, так і пратэрмінаваным, а таксама з пашпартам Новай Беларусі.
«Мы ставілі перад сабой мэту абавязкова даць прагаласаваць тым беларусам, якія цяпер знаходзяцца без пашпартоў, бо яны зусім нядаўна былі вызвалены з беларускіх турмаў і прымусова дэпартаваны, у большасці выпадкаў без дакументаў», — заявіла старшыня Выбарчай камісіі Алена Прыходзька.
Выбары ў КР чацвёртага склікання адбудуцца 11-17 мая.