Праект «Кастусь» прызнаны «экстрэмісцкім фармаваннем» у Беларусі

Рэдакцыя Reform.news · 12 снежня 2025, 12:33

https://reform.news/be/praekt-kastus-pryznany-jekstrjemisckim-farmavannem-u-belarusi/

Старонкі праекта «Кастусь» прызналі «экстрэмісцкім фармаваннем» у Беларусі. У якасці падставы ўказана рашэнне МУС ад 10.12.2025 № 29ЭК «Аб прызнанні групы грамадзян экстрэмісцкім фармаваннем і забароне яго дзейнасці». Яно было апублікавана сёння.

У запісе ўказана, што да ініцыятывы маюць дачыненне Рэзнічак Канстанцін Аляксандравіч, 15.05.1978 года нараджэння, Герасіменка Аляксандр Уладзіміравіч, 30.01.1977 года нараджэння.

«Група грамадзян, якія дзейнічаюць з 2021 года сумесна і ўзгоднена, аб’яднаныя пад агульнай назвай «Кастусь», ажыццяўляе экстрэмісцкую дзейнасць», — гаворыцца ў «даведачнай інфармацыі».

Нагадаем, беларускія ўлады рэгулярна выкарыстоўваюць абвінавачанні ў экстрэмізме для барацьбы з апанентамі і іншадумствам у цэлым.