Першы цягнік «Славянскі караван» даехаў да Узбекістана

Рэдакцыя Reform.news · 5 жніўня 2026, 10:44

https://reform.news/be/pershy-cjagnik-slavjanski-karavan-daeha-da-uzbekistana/

Сёння ва Узбекістане сустрэлі першы скразны грузавы цягнік «Славянскі караван». Ён быў адпраўлены Беларускай чыгункай з Беларусі 30 ліпеня.

Як паведамілі ў БЧ, цягнік прыбыў на станцыю Чукурсай АТ «Узбекистон темир йуллари» ў 7:05 па мінскім часе.

Састаў пераадолеў адлегласць каля 4 тыс. км менш чым за шэсць сутак. Ён прайшоў па тэрыторыі Беларусі, Расіі, Казахстана і Узбекістана.

«Першы скразны грузавы цягнік „Славянскі караван“ даставіў з нашай краіны ва Узбекістан беларускую экспартную прадукцыю дрэваапрацоўкі, харчовыя грузы і хімікаты», — паведамілі ў БЧ.

Беларуская чыгунка ўжо адправіла другі цягнік у рамках новага сэрвісу.