Фото: André François McKenzie / Unsplash.com
Сёння падпісаны ўказ «Аб крыптабанках і асобных пытаннях кантролю ў сферы лічбавых знакаў (токенаў)», паведамілі ў прэс-службе Лукашэнкі.
Адзначаецца, што ўказ накіраваны на ўмацаванне іміджу краіны як флагмана ў сферы фінансавых IT-тэхналогій і прадугледжвае стварэнне ўмоў для дзейнасці ў краіне крыптабанкаў.
Крыптабанкам прызнаецца акцыянернае таварыства, якому прадастаўлена права сумяшчаць дзейнасць з выкарыстаннем лічбавых знакаў (токенаў) са здзяйсненнем банкаўскіх, плацежных і іншых звязаных з імі фінансавых аперацый.
Крыптабанк павінен мець статус рэзідэнта Парка высокіх тэхналогій і быць уключаны ў рэестр крыптабанкаў Нацыянальнага банка.
Крыптабанк абавязаны выконваць патрабаванні заканадаўства, прадугледжанага ў дачыненні да нябанкаўскіх крэдытна-фінансавых арганізацый, а таксама выконваць рашэнні Назіральнага савета ПВТ.
«Падвойнае рэгуляванне дазволіць крыптабанку прапаноўваць кліентам інавацыйныя фінансавыя прадукты, адначасова валодаючы перавагамі як класічных банкаўскіх аперацый, так і тэхналагічнасцю, хуткасцю і зручнасцю аперацый з лічбавымі знакамі (токенамі)», — гаворыцца ў каментарыі.