Источник: "Гаюн"
Праваабарончы цэнтр “Вясна” мае інфармацыю пра 240 асуджаных па “справе Гаюна”. Гаворка ідзе пра пацверджаныя прысуды.
Усяго ж з пачатку года ў “экстрэмісцкі пералік” МУС унесена каля 550 чалавек, асуджаных паводле арт. 361-4 КК (садзейнічанне экстрэмізму). Паводле інфармацыі праваабаронцаў, большасць асуджаных паводле гэтага артыкула праходзілі менавіта па “справе Гаюна”.
«Беларускі Гаюн» — маніторынгавы OSINT-праект, які адсочвае ваенную актыўнасць расійскіх і беларускіх войскаў. Маніторынгавая група была створана перад пачаткам расійска-ўкраінскай вайны актывістам Антонам Матолькам. У пачатку лютага 2025 года сілавікі атрымалі доступ у чат з ботам праекта. Пасля гэтага праект абвясціў пра спыненне працы.