На дапамогу з пасяўной у Віцебскай вобласці накіравалі армію

Рэдакцыя Reform.news · 9 красавіка 2026, 12:18

https://reform.news/be/na-dapamogu-z-pasja-noj-u-vicebskaj-voblasci-nakiravali-armiju/

Па загадзе міністра абароны Беларусі ў Узброеных сілах сфарміравана зводнае падраздзяленне для дапамогі аграрыям, паведамляе Мінабароны.

Падраздзяленне накіравана на дапамогу ў Пастаўскі, Глыбоцкі, Верхнядзвінскі, Лёзненскі, Ушацкі, Шаркаўшчынскі і Сенненскі раёны. Ваеннаслужачыя дапамагаюць з пасявам зерневых культур, падрыхтоўкай зямлі, перавозкай сельскагаспадарчых грузаў, абслугоўваюць сельскагаспадарчую тэхніку.

За некалькі дзён ваеннаслужачыя пасеялі зерневыя на плошчы каля 215 га і вывезлі каля 300 тон грузаў.