Мужчына распілаваў снарад і загінуў ад выбуху ў Салігорскім раёне

Рэдакцыя Reform.news · 18 верасня 2026, 16:29

https://reform.news/be/muzhchyna-raspilava-snarad-i-zaginu-ad-vybuhu-saligorskim-rajone/

У Салігорскім раёне мужчына вырашыў разабраць знойдзены снарад. Гэта скончылася трагедыяй, паведамляе УУС Мінаблвыканкама.

Паводле папярэдняй інфармацыі, мясцовы жыхар знайшоў старыя боепрыпасы і прынёс іх у свой гараж. Ён хацеў здабыць медзь і паспрабаваў распілаваць адзін са снарадаў. Адбыўся выбух.

Мужчына памёр у бальніцы ад атрыманых траўмаў.

Падчас агляду гаража супрацоўнікі міліцыі выявілі яшчэ некалькі снарадаў.