МНС устанавіла пералік прадметаў, забароненых да праносу на аб’екты органаў і падраздзяленняў па надзвычайных сітуацыях. Пастанова міністэрства №60 ад 9 снежня сёння апублікаваная на Нацыянальным прававым інтэрнэт-партале і ўступае ў сілу пасля апублікавання.
У пералік забароненых прадметаў увайшлі:
- Халодная, агнястрэльная, газавая і іншая зброя, боепрыпасы, прадметы, паражальнае дзеянне якіх заснавана на выкарыстанні гаручых рэчываў*.
- Муляжы і макеты, якія імітуюць знешні выгляд зброі, боепрыпасаў і прадметаў, паражальнае дзеянне якіх заснавана на выкарыстанні гаручых рэчываў, спартыўныя снарады, канструктыўна падобныя да зброі і боепрыпасаў**.
- Прадметы, якія ўтрымліваюць выбуховыя рэчывы і вырабы на іх аснове.
- Прадметы, якія ўтрымліваюць лёгкаўзгаральныя вадкасці і цвёрдыя рэчывы.
- Прадметы, якія ўтрымліваюць піратэхнічныя рэчывы, піратэхнічныя вырабы.
- Прадметы, якія ўтрымліваюць радыеактыўныя, ядавітыя і атрутныя рэчывы.
- Колючыя, рубячыя, рэжучыя прадметы**, а таксама іншыя прадметы, якія могуць быць выкарыстаны для прычынення шкоды жыццю і (або) здароўю работнікаў органаў і падраздзяленняў па надзвычайных сітуацыях, а таксама іншых грамадзян.
- Прадметы, якія ўтрымліваюць наркатычныя сродкі, псіхатропныя рэчывы, іх прэкурсоры і аналагі, таксічныя альбо іншыя адурманьваючыя рэчывы.
- Алкагольныя, слабаалкагольныя напоі, піва.
- Сродкі мабільнай і іншай сувязі, прылады, якія выкарыстоўваюцца для перадачы і прыёму даных па правадных і бесправадных каналах сувязі**.
- Гука- і відэазапісваючыя прылады, фотаапаратура**.
- Магнітныя (электронныя) носьбіты інфармацыі (накапляльнікі на жорсткіх магнітных дысках, накапляльнікі на гнуткіх магнітных дысках, USB-флэш-накапляльнікі, кампакт-дыскі і таму падобнае)**.
- Электронная апаратура схаванага нашэння.
- Персанальныя камп’ютары, у тым ліку партатыўныя, электронныя планшэты, электронныя запісныя кніжкі**.
- Капіравальная, множыльная тэхніка, сканеры**.
- Беспілотныя лятальныя апараты, авіямадэлі, іншыя вырабы на правадным і (або) радыёкіраванні, запчасткі да іх**.
- Супрацьдронныя (антыдронныя) стрэльбы, мабільныя падаўнікі беспілотных лятальных апаратаў і іншае аналагічнае абсталяванне**.
- Вялікагабарытныя прадметы (чамаданы, сумкі, сакваяжы, згорткі і іншыя)**.
* За выключэннем тых, што маюцца ў супрацоўнікаў (работнікаў) дзяржаўных органаў,
якія ажыццяўляюць аператыўна-вышуковую дзейнасць, дастаўку носьбітаў дзяржаўных сакрэтаў, Следчага камітэта, Дзяржаўнай фельд’егерскай службы Рэспублікі Беларусь пры Міністэрстве сувязі і інфарматызацыі, рэспубліканскага ўнітарнага прадпрыемства «Спецыяльная сувязь», органаў і падраздзяленняў па надзвычайных сітуацыях, якія знаходзяцца пры выкананні службовых абавязкаў.
** За выключэннем выпадкаў, калі гэта выклікана службовай неабходнасцю, па ўзгадненні
з начальнікам органа або падраздзялення па надзвычайных сітуацыях, на аб’ект якога ажыццяўляецца пранос (праезд) указанных прадметаў.
🔥
Падтрымайце Reform.news данатам!