Міністр прамысловасці Афганістана прыбыў у Беларусь абмяркоўваць інвестыцыі

Рэдакцыя Reform.news · 29 верасня 2026, 21:01

https://reform.news/be/ministr-pramyslovasci-afganistana-pryby-u-belarus-abmjarko-vac-investycyi/

Акрамя міністра грамадскай аховы здароўя Афганістана Нура Джалала Джалалі, у Беларусь прыбыў міністр прамысловасці і гандлю Афганістана Нурудзін Азізі. Афганская дэлегацыя прыехала па запрашэнні беларускага боку.

Прадстаўнікі талібскага рэжыму возьмуць удзел у II Міжнароднай прамысловай выставе. Плануецца абмеркаваць пашырэнне гандлёва-эканамічнага супрацоўніцтва паміж Афганістанам і Беларуссю, паведамляе афганскае Міністэрства прамысловасці і гандлю.

Падчас візіту афганская дэлегацыя разлічвае сустрэцца з міністрамі замежных спраў, сельскай гаспадаркі і прамысловасці Беларусі, каб абмеркаваць пытанні развіцця гандлёва-эканамічных сувязей, прамысловага і сельскагаспадарчага супрацоўніцтва, інвестыцый і новых кірункаў узаемадзеяння паміж дзвюма дзяржавамі.

«Чакаецца, што гэты візіт створыць аснову для пашырэння гандлёва-эканамічных адносін, актывізацыі прамысловага супрацоўніцтва і прыцягнення інвестыцый паміж Афганістанам і Беларуссю», — паведамляе афганскае міністэрства.