Матэрыялы сайта Савета Еўропы зноў вырашылі прызнаць «экстрэмісцкімі» ў Беларусі

Суд Партызанскага раёна Мінска, які раней адмяніў сваё рашэнне, зноў прызнаў матэрыялы сайта Савета Еўропы «экстрэмісцкімі». Рэсурс ізноў з’явіўся ў абноўленым «Рэспубліканскім спісе экстрэмісцкіх матэрыялаў», які вядзе Міністэрства інфармацыі.

Новае рашэнне было прынята 19 снежня 2025 года. У пераліку пазначаныя спасылкі на Канферэнцыю міжнародных няўрадавых арганізацый (Conference of international non-governmental organisations, CINGO), заяву Камітэта па правах чалавека CINGO у сувязі з пратэстамі 2020 года і заяву прэзідэнта CINGO аб парушэнні правоў чалавека ў Беларусі пасля прымусовай пасадкі рэйса Ryanair.

Таксама ў спіс трапілі:

• акаўнты ў TikTok Disident, «Ягор Беларусь»;
• Telegram-каналы ASTRA, «Маркіза Карабаса – чат», Blood and Honor, Truth National Socialism;
• група ў Telegram DA VOLI;
• старонкі ў «Аднакласніках» «Грамада Палесся», «ЯНКА ЗМАГАР», «Валянцін Генадзьевіч»;
• старонкі «УКантакце» «Народная амбасада Беларусі ў Бразіліі (Бразілія)», «Zмагар – Выкарыстаная пракладка», «Жыве Беларусь»;
• сайт і сацсеткі Swedish International Liberal Centre;
• супольнасць у Instagram і лагатып «МІНСК БЕЛАРУСЬ МІР НАВІНЫ»;
• супольнасць «УКантакце» «Беларусь Топ»;
• супольнасць у Facebook «Навіны Беларусі і Мінска».

Нагадаем, 5 снежня суд прызнаў сайт Канферэнцыі міжнародных няўрадавых арганізацый (Conference of international non-governmental organisations, CINGO) «экстрэмісцкімі матэрыяламі». Пры гэтым у рашэнні суда быў указаны сайт Савета Еўропы — www.coe.int. 10 снежня суд адмяніў рашэнне. Праз паўтары тыдні рашэнне было адменена.

Беларускія ўлады рэгулярна выкарыстоўваюць абвінавачанні ў экстрэмізме для барацьбы з апанентамі і іншадумствам у цэлым.