Александр Лукашенко и Си Цзиньпин в Тяньцзине 31 августа 2025 года. Фото: president.gov.by
Аляксандр Лукашэнка ў бліжэйшы час збіраецца сустрэцца са старшынёй КНР Сі Цзіньпінам. Пра гэта ён расказаў у інтэрв’ю RT. Паводле яго слоў, разам з сынам Мікалаем ён адправіцца на “сямейную сустрэчу”.
Лукашэнка адказваў на пытанне пра адносіны паміж палітыкамі.
“Можа, і не заўсёды гэта добра. Але павінен вам сказаць, што сябраваць трэба з тымі і сябраваць магчыма толькі з тымі, хто з табой хоча сябраваць. Ну якая можа ў мяне быць дружба са Стармерам або з Байдэнам? Якая ў мяне магла з ім быць дружба, калі ён супраць мяне ўводзіў санкцыі, а еўрапейцы мне закідвалі пятлю на шыю, каб мяне павесіць. Ну якая ў мяне з імі можа быць дружба?” – сказаў ён.
Лукашэнка падкрэсліў, што з Уладзімірам Пуціным ён мае зносіны, як з братам. З кітайскім лідарам у яго таксама сямейныя адносіны.
“З Пуціным мы сябруем нават больш, чым сябруем. Мы з ім маем зносіны, як браты. Ён хоча бачыць мяне і сябраваць са мной. Я з задавальненнем сябрую з Пуціным. Тое ж самае з Сі Цзіньпінам. У нас усталявалася добрая практыка штогод, як кітайцы назвалі гэта, праводзіць сямейныя сустрэчы. Вось у бліжэйшы час мы з ім сустрэнемся ў сямейнай абстаноўцы. Я са сваім малодшым сынам, які скончыў Пекінскі ўніверсітэт, прыязджаю да яго ў сям’ю, мы сябруем, маем зносіны”, – дадаў Лукашэнка.
Паводле яго слоў, ён таксама не супраць сябраваць з Кім Чэн Ынам. Нядаўна Лукашэнка здзейсніў візіт у Пхеньян.
“Кім у Паўночнай Карэі, але вы яго дэманізавалі. Выдатны, разумны, адукаваны чалавек. Ён змагаецца за свае інтарэсы, за інтарэсы сваёй краіны. Ён нікому не перашкаджае жыць. Гэта вы яго спрабуеце знішчыць. Ён моцны мужык. Ён спрабуе абараніцца, як можа, як ён гэта разумее. Ён гатовы са мной мець добрыя адносіны, сяброўскія адносіны.
Я не супраць. Вось з такімі людзьмі сябраваць можна не таму, што яны ворагі Амерыкі, а таму, што яны таксама з табой хочуць сябраваць. Калі Дональд Трамп гатовы выбудоўваць са мной або Беларусь, Амерыка сяброўскія адносіны, мы для гэтага адкрытыя, і мы гэтага хочам. Вы правы. Сябраваць, пажадана каб… гэта немагчыма… але пажадана, каб усе сябравалі адзін з адным. Тады не будзе ні войнаў, тады будзе дапамога адзін аднаму”, – сказаў ён.