Фото: телеграм-канал "Пул Первого"
Аляксандр Лукашэнка сустрэўся з Уладзімірам Пуціным падчас візіту ў Маскву 8 мая. Лукашэнка заявіў, што хоча абмеркаваць з Пуціным «паўтара пытання» і адзначыў, што апошнім часам паміж Беларуссю і Расіяй не было сур’ёзных спрэчак.
«У СНД, вы правільна сказалі, у ЕАЭС, у СНД Расія гандлюе на 60-65% агульнага тавараабароту ў Беларусі. Гэта значыць, мы асноўны партнёр на постсавецкай прасторы ў гандлі. Вядома, пры такіх вялізных аб’ёмах, пад 60 млрд долараў ужо лічыце, вядома, ёсць, заўсёды будуць нейкія праблемы.
Але мы неяк прыстойна жывём вось гэтыя гады. У нас ніколі не было нейкіх сур’ёзных спрэчак. Адно-два пытанні, якія мы абмяркоўваем і даручаем урадам разруліць іх. Вось я сёння падумаў таксама: напэўна паўтара пытання, якія мы з вамі абмяркуем, а астатняе — гэта наша вялікая перамога», — сказаў Лукашэнка.
Пуцін заявіў, што яму заўсёды ёсць пра што пагаварыць з Лукашэнкам, і паабяцаў праінфармаваць пра «добрыя тэндэнцыі» ў расійскай эканоміцы.
«Нам заўсёды ёсць пра што пагаварыць па бягучых пытаннях, звязаных з эканомікай, з пытаннямі сацыяльнага характару. Аб’ём гандлю з’яўляецца рэкордным, нягледзячы на цяжкасці, якія нам спрабуюць стварыць звонку. Усё ў нас у цэлым дабрабытна.
Я вам раскажу, што адбываецца і ў расійскай эканоміцы апошнім часам. Ёсць добрыя тэндэнцыі. Яны, як правіла, адбіваюцца і на нашых партнёрах па Еўразійскім саюзе, і тым больш на нашых адносінах з Беларуссю», — заявіў Пуцін.