Владимир Сафонов. Фото: t.me/modmilby
Аляксандр Лукашэнка падпісаў указ аб прызначэнні палкоўніка Уладзіміра Сафонава начальнікам штаба і першым намеснікам камандуючага сіламі спецыяльных аперацый Узброеных сіл Беларусі. Пра гэта паведамілі ў яго прэс-службе.
Раней ён займаў пасаду камандзіра 103-й Віцебскай асобнай гвардзейскай паветрана-дэсантнай брыгады.
Пасаду начальніка штаба — першага намесніка камандуючага сіламі спецыяльных аперацый Узброеных сіл займаў Аляксандр Ільюкевіч. У пачатку студзеня ён быў прызначаны камандуючым сіламі спецыяльных аперацый Узброеных сіл.