Мехрибан Алиева. Фото: facebook.com/FirstvicepresidentofAzerbaijanOfficial
Аляксандр Лукашэнка павіншаваў Мехрыбан Аліеву, першага віцэ-прэзідэнта Азербайджана і жонку прэзідэнта Ільхама Аліева, з днём нараджэння.
«Вашы патрыятызм і самаадданае служэнне Азербайджану, глыбокая паглыбленасць і ўцягнутасць у ключавыя пытанні нацыянальнага развіцця выклікаюць павагу і захапленне», — гаворыцца ў віншаванні.
Лукашэнка адзначыў, што Беларусь цэніць асабісты ўклад Аліевай ва ўмацаванне стратэгічнага партнёрства Мінска і Баку і ў падтрыманне атмасферы даверу і ўзаемаразумення.
«Перакананы, Ваша плённая дзейнасць і надалей будзе спрыяць рэалізацыі сумесных праектаў, пашырэнню супрацоўніцтва паміж Беларуссю і Азербайджанам у духу адкрытага і канструктыўнага дыялогу», — заявіў Лукашэнка ў віншаванні.