Фото: president.gov.by
Аляксандр Лукашэнка 26 красавіка наведаў малочна-таварны комплекс ААТ «Агра-Лясковічы» ў Петрыкаўскім раёне. Адной з галоўных тэм стала вартасць будаўніцтва цялятнікаў. Лукашэнка запатрабаваў, каб такія аб’екты ўзводзіліся “танна і функцыянальна”, без лішкаў.
«Нам не патрэбныя квадратныя метры, нам патрэбны функцыянальны цялятнік на колькасць галоў», — заявіў ён.
Паводле яго слоў, калі гаспадаркі будуюць за ўласныя сродкі, яны могуць узводзіць аб’екты любой вартасці, а бюджэтныя сродкі неабходна расходаваць рацыянальна.
“Будаваць у два разы даражэй “палацы”… Калі за свае грошы, я буду вітаць дарагія “палацы” для гэтых малых”, — адзначыў ён.
Лукашэнка таксама заявіў, што для будаўніцтва цялятнікаў у мэтах эканоміі можна ўжываць драўніну.
«У нас згніе лес на ўскраінах. Зрабіце цялятнік, ён прастаіць на 20% менш па тэрмінах, чым гэты — пабудуем новы. Можа, разбагацеем», — прыводзіць яго словы прэс-служба.
Ён таксама паставіў задачу больш актыўна развіваць мясную жывёлагадоўлю.
“Трэба актыўней гэта развіваць, — сказаў Лукашэнка пра вырошчванне буйной рагатай жывёлы мясных парод. — Попыт будзе”.
Паводле яго слоў, у свеце расце попыт і на харчаванне, і на ўгнаенні, а разам з гэтым павышаюцца і цэны.
“Наш час, па-мойму, прыходзіць. Нездарма ўкладвалі ў сельскую гаспадарку”, — заявіў ён.