Кіраўнік партугальскага МЗС прыехаў на літоўска-беларускую мяжу

Рэдакцыя Reform.news · 17 лютага 2026, 12:28

https://reform.news/be/kira-nik-partugalskaga-mzs-pryeha-na-lito-ska-belaruskuju-mjazhu/

Міністр замежных спраў Партугаліі Паулу Ранжэл у межах свайго візіту ў Літву наведаў мяжу з Беларуссю. Як паведамілі ў Службе аховы дзяржаўнай мяжы, яго суправаджаў намеснік камандуючага Данатас Шкарнуліс.

Партугальскаму міністру расказалі пра працу памежнага загароджвання, праблемы, з якімі сутыкаюцца памежнікі.

Адзначаецца, што Партугалія дэлегуе ў Літву сваіх вайскоўцаў, якія выконваюць задачы па патруляванні паветранай прасторы. Акрамя таго, у Літве знаходзяцца партугальскія марскія пяхотнікі.