Илон Маск и Дональд Трамп в Овальном кабинете. Фото: wikipedia.org
Мультымільярдэр Ілон Маск упэўнена рухаецца да таго, каб стаць першым чалавекам з капіталам у трыльён долараў.
Здзелка па зліцці належных яму кампаній SpaceX і xAI павысіла ацэнку капіталу Маска да 852 млрд долараў. Ён стаў першым чалавекам, чый капітал перавысіў планку ў 800 млрд долараў. Зліццё прынесла бізнесмену 84 млрд долараў, падлічылі ў Forbes.
У кастрычніку капітал Маска дасягнуў 500 млрд долараў, а затым у снежні пераадолеў рубяжы ў 600 і 700 млрд долараў.
На другім месцы ў рэйтынгу мільярдэраў застаецца сузаснавальнік Google Лары Пейдж з 281 млрд долараў.