Яшчэ дзве краіны робяць унёсак у Міжнародны гуманітарны фонд на падтрымку палітвязняў

Рэдакцыя Reform.news · 14 верасня 2026, 10:09

https://reform.news/be/jashchje-dzve-krainy-robjac-unjosak-u-mizhnarodny-gumanitarny-fond-na-padtrymku-palitvjaznja/

Яшчэ дзве краіны далучаюцца да Міжнароднага гуманітарнага фонду, за кошт сродкаў якога аказваецца падтрымка беларусам, якія пацярпелі ад рэпрэсій. Пра гэта паведамілі ў Офісе Ціханоўскай.

Дырэктар офіса ў Вільні Дзяніс Кучынскі сустрэўся з генсекам Нарвежскага Хельсінкскага камітэта Берыт Ліндэман. Менавіта камітэт выступае аператарам фонду.

“Цяпер завяршаецца афармленне ўнёскаў яшчэ дзвюх краін. Іх агульная сума складзе каля 200 тыс. еўра”, – гаворыцца ў паведамленні.

Якія менавіта краіны далучацца да фонду, не ўдакладняецца, але ў выніку агульная колькасць удзельнікаў фонду дасягне 15. Адзначаецца, што шэраг дзяржаў зрабілі паўторныя ўнёскі, напрыклад, Ісландыя, Эстонія і Нарвегія. Вядуцца перамовы з Фінляндыяй і Іспаніяй аб паступленні новых сродкаў. У 2024-2026 гадах у фонд было накіравана больш за 3 млн еўра.

Кучынскі і Ліндэман абмеркавалі стан фонду, выкарыстанне атрыманых сродкаў. Большая частка раней атрыманых паступленняў ужо накіравана на дапамогу людзям, якія пацярпелі ад рэпрэсій, у тым ліку палітычным зняволеным, вызваленым за апошні год.

Наступная мэта – да канца года пашырыць колькасць удзельнікаў да 18–20 краін. Гэта неабходна для таго, каб фонд мог не толькі адказваць на сённяшнія запыты, але і мець рэзерв для аказання экстранай дапамогі пры новым выдзяленні сродкаў.