Інтэрнэт-рэкламу азартных гульняў могуць забараніць у Беларусі

У Беларусі распрацаваны праект закона аб рэкламе азартных гульняў і ігральных устаноў, паведамляе Міністэрства антыманапольнага рэгулявання і гандлю.

Праект прадугледжвае:

• забарону на інтэрнэт-рэкламу латарэй, гульняў, у тым ліку рэкламных, азартных і электронных інтэрактыўных гульняў, ігральных устаноў, уключаючы віртуальныя, за некаторым выключэннем, а таксама іх рэкламу ў транспартных сродках;
• забарону на выкарыстанне вобразаў людзей і жывёл у рэкламе ігральных устаноў і азартных гульняў.

Таксама рэклама не павінна ўтрымліваць інфармацыю аб бонусах, якія могуць выкарыстоўвацца для здзяйснення ставак у ігральных установах.

Праект закона накіраваны на ўзгадненне зацікаўленым.