Гарачае водазабеспячэнне і навучанне – у топе росту цэн у верасні

Рэдакцыя Reform.news · 9 кастрычніка 2026, 11:38

https://reform.news/be/garachae-vodazabespjachjenne-i-navuchanne-u-tope-rostu-cjen-u-verasni/

У верасні інфляцыя ў Беларусі склала 0,5%. Гадавы рост цэн паскорыўся да 4,6%.

Мацней за ўсё ў верасні ў параўнанні са жніўнем падаражэлі агуркі. Цана на іх вырасла на 46,14%, далей ідуць білеты ў цырк – на 26,59%, цэны на авакада выраслі на 17,51%, на гарачае водазабеспячэнне – на 13,97%, на ікру ласосевых – на 12,87%, на памідоры – на 10,25%. Таксама навучанне ў ВНУ падаражэла на 6,94%, а ў ССНУ – на 6,76%.

Найбольшае зніжэнне цэн адзначалася ў верасні на сезонныя тавары. Буракі патаннелі за месяц на 26,39%, морква – на 26,19%, бульба – на 18,68%, вінаград – на 18,16%, цыбуля – на 18,1%, яблыкі – на 13,89%.

У параўнанні са снежнем мацней за ўсё падаражэлі: авакада – на 40,15%, флэш-накапляльнікі і карты памяці – на 30,85%, запалкі – на 28,54%, перавозкі ў цягніках эканом-класа – на 26,79%, прыгарадныя перавозкі ў аўтобусах – на 25,88%.

Найбольшае зніжэнне цэн у параўнанні са снежнем зафіксавана на агуркі. Яны патаннелі на 51,07%. Цэны на яблыкі ў параўнанні са снежнем знізіліся на 38,27%, на памідоры – на 37,18%, на перац – на 24,95%.