ЕФСР павысіў прагноз росту беларускай эканомікі да 2%

Рэдакцыя Reform.news · 12 кастрычніка 2026, 11:00

https://reform.news/be/efsr-pavysi-pragnoz-rostu-belaruskaj-jekanomiki-da-2/

Еўразійскі фонд стабілізацыі і развіцця ў восеньскім рэгіянальным аглядзе павысіў прагноз росту ВУП Беларусі ў 2026 годзе. Ён павялічаны на 0,7 п.п. да 2%.

Ацэнка росту на 2027 год таксама павышана на 0,4 п.п. Айчынная эканоміка ў наступным годзе вырасце на 1,2%. Прагноз на 2028 год складае 1,1%.

Інфляцыя сёлета паводле ацэнкі ЕФСР складзе 5,2%, у наступным годзе паскорыцца да 6,4%, а ў 2028-м складзе 5,9%.

“Па выніках 2026 года ВУП павялічыцца прыкладна на 2%, пасля чаго тэмпы знізяцца да 1-2%, наблізіўшыся да раўнаважных. Знешні попыт пры гэтым будзе больш стрыманым, чым унутраны. Інфляцыя да канца 2026 года складзе 5,2%.

У 2027 годзе ціск з боку ўнутранага попыту і напружанага рынку працы пры аслабленні спрыяльных знешніх фактараў прывядзе да часовага паскарэння інфляцыі да 6,4%, пасля чаго яна зноў наблізіцца да мэты 5%. Фіскальны стымул будзе паступова аслабляцца, а кансалідаваны бюджэт да канца прагнознага перыяду наблізіцца да балансу”, – гаворыцца ў аглядзе.