Скрын відэа
Дом у Рагачове, дзе жыў і тварыў Уладзімір Караткевіч, разбураецца. Беларуска Юлія, якая нядаўна пабывала там, напісала пра гэта пост. Дзяржаўнае выданне «Гомельская правда» адрэагавала, назваўшы публікацыю ў «Інстаграме» «спланаванай кампаніяй з палітычным падтэкстам», а турботу пра спадчыну пісьменніка «інструментам у чыіхсьці брудных руках, дубінай ў палітычных бойках».
Нагадаем, што дом Караткевіча знаходзіцца ў прыватнай уласнасці, мясцовыя ўлады ўжо шмат гадоў не могуць вырашыць пытанне адчужэння сядзібы ў спадчыннікаў. Улады сем гадоў таму абяцалі там музей, але драўляны дом нават не мае статусу гісторыка-культурнай каштоўнасці.
Гэты дом пабудаваў дзед пісьменніка Васіль Грынкевіч яшчэ ў 1914 годзе. Караткевіч прызнаваўся, што нідзе яму так добра не пісалася, як тут. Менавіта ў Рагачове былі створаны або задуманы яго ключавыя творы. Тут ён пачаў пісаць свой знакаміты раман «Каласы пад сярпом тваім».
***
Пакуль рыхтаваўся артыкул, у «Гомельскай правде» напісалі, што адрамантавалі плот каля дома Караткевіча.
Падпісвайцеся на культурныя навіны Reform.news у Telegram