Фото: t.me/Neman102
Два чалавекі загінулі ў Лідскім раёне ў выніку ДТЗ на трасе М-6 «Мінск-Гродна». Аварыя адбылася сёння каля 10 раніцы.
Як паведамілі ва УДАІ УУС Гродзенскага аблвыканкама, 75-гадовы кіроўца аўтамабіля ВАЗ, які рухаўся з боку Ліды, пры павароце налева ў напрамку вёскі Радзівонішкі не саступіў дарогу Volkswagen. За рулём другой машыны знаходзіўся 21-гадовы кіроўца, які ехаў з боку Гродна ў напрамку Ліды.
У выніку сутыкнення кіроўца ВАЗ загінуў на месцы. Яго пасажырку даставілі ў бальніцу, аднак выратаваць яе не ўдалося.
Па факце здарэння праводзіцца праверка.