Фото: Reform.by
Яшчэ адзін беларус атрымаў раненне ў Бранскай вобласці Расіі. Побач з яго аўтамабілем выбухнуў дрон.
«Каля вёскі Дземенка Навазыбкаўскай гарадской акругі ў выніку выбуху беспілотніка паранены кіроўца грузавога аўтамабіля. Медыкі аказалі пацярпеламу неабходную дапамогу, прызначана амбулаторнае лячэнне», — паведаміў губернатар Бранскай вобласці Ягор Кавальчук у Telegram. Паводле слоў Кавальчука, дрон быў украінскім.
Гэта другі беларускі кіроўца за суткі, які атрымаў раненне ў выніку атакі беспілотнікаў. Раніцай 22 кастрычніка ў пасёлку Цвятнікі Жукаўскага раёна ад атакі дрона пацярпеў кіроўца фуры. Яго шпіталізавалі.