Фото: t.me/gaiminsk
Дрэннае самаадчуванне кіроўцы стала прычынай ДТЗ на паркоўцы каля Нацыянальнай бібліятэкі, паведамляе УДАІ ГУУС Мінгарвыканкама.
Сёння днём 45-гадовы вадзіцель Belgee рухаўся па паркоўцы і ўрэзаўся ў прыпаркаваныя Tesla, Ford, Volkswagen, Peugeot і Renault. Мяркуецца, што мужчына страціў прытомнасць падчас руху. Вадзіцель Belgee памёр на месцы.
На месцы здарэння працуюць супрацоўнікі аддзела ДАІ Першамайскага РУУС Мінска і следча-аператыўная група.