Фото: УГАИ ГУВД Мингорисполкома
УДАІ ГУУС Мінгарвыканкама назвала папярэднюю прычыну ДТЗ з маршруткай у Мінску, у якім пацярпелі некалькі чалавек. Мікрааўтобус урэзаўся ў слуп.
Паводле версіі ДАІ, 47-гадовая кіроўца аўтамабіля DS павярнула направа з другой паласы, у выніку чаго легкавік сутыкнуўся з маршруткай. Ад удару тая змяніла напрамак руху і ўрэзалася ў ліхтарны слуп.
“Тры пасажыры маршрутнага таксі дастаўлены ва ўстановы аховы здароўя для абследавання. Вадзіцелі транспартных сродкаў і іншыя пасажыры ў медыцынскай дапамозе не мелі патрэбы”, – дадалі ў ДАІ.