Да Міжнароднага жаночага дня — у Варшаве пройдзе дыскусія з удзелам Святланы Ціханоўскай

Рэдакцыя Reform.news · 6 сакавіка 2026, 17:02

https://reform.news/be/da-mizhnarodnaga-zhanochaga-dnja-u-varshave-projdze-dyskusija-z-udzelam-svjatlany-cihano-skaj/

Офіс Святланы Ціханоўскай сумесна з Прадстаўніцтвам па нацыянальным адраджэнні Аб’яднанага пераходнага кабінета арганізуе панэльную дыскусію «Першы крок: як беларускі выходзяць у публічнасць». Мерапрыемства пройдзе 10 сакавіка ў Варшаве і прымеркавана да Міжнароднага дня жанчын.

Размова пройдзе ў фармаце «роўная для роўных» — пра шлях у сваёй справе, страхі, памылкі і момант, калі вырашаеш пачаць дзейнічаць. У дыскусіі возьмуць удзел кіраўніца АПК Святлана Ціханоўская, прафесар Ірына Сідорская, мастачка Яна Шостак, блогер Ліза Ветрава, актывістка Наста Базар і іншыя. Мадэратарам выступіць Марына Ментусава.

Збор гасцей у 18:00, пачатак у 18:30. Дакладны адрас будзе паведамлены зарэгістраваным удзельнікам 9 сакавіка па электроннай пошце. Зарэгістравацца можна па спасылцы.