Никита Мелкозеров. Скриншот видео YouTube-канала «Жизнь-Малина»
Святлана Ціханоўская ў пачатку прэс-канферэнцыі з беларускімі палітвязнямі, вызваленымі ў снежні, ушанавала памяць журналіста Мікіты Мелказёрава, які памёр на выходных.
«Я хацела б ушанаваць памяць Мікіты Мелказёрава. Учора Беларусь страціла вялікага сына — таленавітага журналіста, чалавека, які рупліва працаваў дзеля Беларусі і пастаянна падымаў тэму палітвязняў.
Гэта вялікая страта для ўсяго беларускага народа. Нам усім будзе вельмі цябе не хапаць, Мікіта.
Мікіта вельмі перажываў за нашых палітзняволеных, і я вельмі рада, што ён змог пабачыць, што яшчэ адна група людзей выйшла на волю», — сказала яна.