Рэзідэнты свабодных эканамічных зон нарасцілі чысты прыбытак па выніках паўгоддзя. Ён склаў 1,37 млрд рублёў, што на 14,7% больш, чым за аналагічны перыяд мінулага года.
Выручка рэзідэнтаў пры гэтым павялічылася на 4,7% да 21,15 млрд рублёў.
Інвестыцыі ў асноўны капітал рэзідэнтаў СЭЗ выраслі на 13,5% да 1,31 млрд рублёў.
Прамысловая вытворчасць рэзідэнтаў СЭЗ павялічылася на 1,1% да 19,26 млрд рублёў.
Усяго ў СЭЗ на 1 ліпеня дзейнічаў 421 рэзідэнт, што на тры больш, чым у мінулым годзе. У кампаніях працавала 133,5 тыс. чалавек, або на 1,6% менш, чым год таму.
Сярэдні заробак вырас на 8,6% і склаў 2888,25 рубля.