Скриншот видео t.me/mchs112by
У Віцебскім раёне шукаюць дзяўчынку 2010 года нараджэння. Паведамленне аб знікненні падлетка паблізу вёскі Гаркава паступіла ратавальнікам сёння ад супрацоўнікаў міліцыі.
На месцы створаны аператыўны штаб. Да пошукаў прыцягнута 24 адзінкі тэхнікі і 124 чалавекі, з іх 15 адзінак тэхнікі і 82 работнікі МНС. Пошукі арганізаваныя з прыцягненнем спецыяльнай тэхнікі ратавальнага ведамства, у тым ліку квадрацыклаў і беспілотнікаў.
Сваякам дзяўчынкі аказваецца дапамога псіхалагічнай службы МНС, паведамілі ў прэс-службе ведамства.