Беспілотнік уразіў Маскоўскі НПЗ. Пра гэта паведаміў мэр Масквы Сяргей Сабянін.
“Адным з дронаў пашкоджаны аб’ект МНПЗ. Пацярпелых няма. Экстраныя службы працуюць на месцы здарэння”, — паведаміў ён.
На месцы падзення БПЛА ўзнік пажар.
Да гэтага Сабянін абвясціў, што сіламі СПА былі знішчаны 25 дронаў, якія ляцелі на Маскву.
Мінабароны РФ заявіла, што ўсяго за ноч былі перахоплены і знішчаны 172 украінскія беспілотнікі над тэрыторыяй 14 рэгіёнаў РФ.
Маскоўскі НПЗ размешчаны ў раёне Капотня. Ён належыць «Газпрам нафце». Спецыялізуецца на вытворчасці паліва. Можа перапрацоўваць 11 млн т нафты за год.
Дапоўнена 9:10
У МНС РФ паведамілі, што пажар лакалізаваны.
“Пажар на тэрыторыі Маскоўскага нафтаперапрацоўчага завода аператыўна лакалізаваны. У цяперашні час працягваецца работа па ліквідацыі наступстваў узгарання. Пагрозы распаўсюджвання агню няма”, — гаворыцца ў паведамленні.
