Індэкс спажывецкіх цэн у жніўні знізіўся на 0,1% у параўнанні з ліпенем. Такія даныя прывёў Белстат. Нягледзячы на жнівеньскую дэфляцыю, у гадавым вылічэнні тэмпы росту цэн працягнулі павялічвацца.
Гадавая інфляцыя ў жніўні склала 4,5% супраць 4,4% у ліпені.
З пачатку года індэкс спажывецкіх цэн вырас на 3,1%. Нагадаем, МАРГ устанавіў памесячныя паказчыкі дапушчальнага росту цэн. Для жніўня ён складаў 4,2%.
Базавая інфляцыя, якая выключае змяненне цэн на сезонныя і рэгуляваныя тавары і паслугі, у жніўні склала 0,4%, або на 0,2 п.п. менш, чым у ліпені, а з пачатку года яна дасягнула 3,4%.
У жніўні ў параўнанні з ліпенем харчовыя тавары патаннелі на 0,8%, нехарчовыя падаражэлі на 0,5%, а паслугі — на 0,3%.
З пачатку года харчовыя тавары выраслі ў цане на 0,7%, нехарчовыя — на 2,8%, а тарыфы на паслугі павысіліся на 7,6%.
За год прырост цэн на харчовыя тавары склаў 3,1%, на нехарчовыя тавары — 3,2%, а тарыфаў на паслугі — 8,7%.
Нагадаем, мэтавы паказчык па інфляцыі на 2026 год складае не больш за 7%.
